Ապտենիա

Aptenia_cordifolia
Aptenia cordifolia

Ապտենիան (անգլ.՝ Aptenia, ռուս.՝ Аптения, լատ.՝ Aptenia) մեզեմբրիանտեմային-ների ընտանիքի սուկուլենտ է: Բնական պայմաններն են՝ Աֆրիկայի մերձարևադարձային, չոր գոտիներ, կիսաանապատներ:

Մեզեմբրիանտեմայինների ընտանիքում կա 4 տեսակ՝ բոլորը մսալի տերևներով, ցածրահասակ սուկուլենտներ են:

Բնակարանում լավագույն տեղը հարավային պատուհանի մոտ է: Լավ լուսավորություն է պահանջում, լավ է տանում արևի ուղիղ ճառագայթները:

Ձմռանը +15°С ջերմաստիճանը ամենահարմարավետն է:

Հողի նկատմամբ պահանջկոտ չէ, ցանկալի է որ փխրուն լինի և լավ դրենաժ ունենա: Աճեցնում են սաղր ծաղկամաններում:

Ջրում են պարբերաբար, ոչ առատ, ձմռանն ավելի քիչ: Աշխատում են ոչ մի դեպքու ջրախեղդ չանել:

Ջրով ցողելու կարիք չկա, մթնոլորտի խոնավության նկատմամբ ապտենիան անտարբեր է:

Կակտուսի և սուկուլենտների համար նախատեսված պարարտանյութերով սնուցում անում են եթե զգացվում է սնուցող նյութերի պակաս:

aptenia_yellow
Aptenia yellow

Կարևոր է հետևել, որպեսզի հողը ծաղկամանում միշտ փխրուն լինի և չոր կեղև չառաջանա:

Հաճախակի տեղափոխման կարիք չկա, քանի որ ապտենիան իրեն լավ է զգում նեղվացքի մեջ:

Ցանկալի է երբեմն տերևները լվանալ գոլ ջրով:

Ցողունային կտրոններով բազմացումն անում են գարնանը կամ ամռանը՝ տնկելով ավազի կամ տորֆի մեջ:

Հնարավոր խնդիրներ

Շատ վատ է տանում գերխոնավացումը՝ մանավանդ ցուրտ եղանակին: Այդ պատճառով տերևները սմքում և թոշմում են, իսկ ցողունը կարող է նեխել:

Հղումներ

Leave a Reply